Mam PID bezilt de Patient beim Dokter nëmmen nach säin Undeel un der Rechnung. Den Deel vun der CNS kritt den Dokter direkt iwwerwisen. Dem Christian Oberlé no ginn et hei am Land ronn 2.600 Generalisten, Zänndokteren a Spezialisten.
De System vum Paiement immédiat direct géif ëmmer méi beléift ginn, ass d’Aschätzung vum Christian Oberlé. Ëmmer méi Doktere géifen en ufroen.
„Dat kënnt warscheinlech och vum Feedback vun hire Confrèren, well en gros awer d’Dokteren alleguerten zefridde si mat dem System – déi déi e benotzen."
Dem Christian Oberlé no, géif d’CNS och ganz enk mat der Doktesch-Vereenegung AMMD zesumme schaffen, fir Doktere vun dësem System z’iwwerzeegen, déi d’accord mam Paiement immédiat direct wieren, awer gären all Dokumenter informatesch verdeelt hätten.