Fir dësen Album mat engem immersive Klangerliefnes a vollem Ëmfang ze genéissen, muss ee fir d'éischt verstoe wouran den Ursprong läit. Dee féiert nämlech an e fréiere Waassertuerm am australeschen Outback. Wann een sech do an der Wüst d'Landschaft, de Stärenhimmel an d'Rou virstellt, da begräift een direkt déi atmosphäresch Spannung. Déi Klangwelt entsteet net nëmmen duerch déi analog Instrumenter vum "The Noise String Quartet", mee och duerch digital vum Komponist provozéiert Verännerungen um Computer.
De Komponist Georges Lentz huet mam Christophe Mirkes iwwer seng Visioun an iwwer seng klanglech Experimenter geschwat, déi hien am Laf vu senger neier Kreatioun entwéckelt an ausgeschafft huet. Hie verréit och firwat hien eigentlech net gären iwwer seng Musek schwätzt.
