Ënnert dem Motto "Auf der gleichen Saite" presentéieren d'Frënn vun de Lëtzebuerger Philharmoniker ee Concert-apéritif am Kammermusekssall an der Philharmonie.
Um Programm steet Kammermusek fir Piano a Sträicher vum Robert Schumann a Frank Bridge.
Am Gespréich mam Lex Kauffmann, huet d'Braatschistin vum Concert an och Solo-Braatschistin am Orchester vun de Lëtzebuerger Philharmoniker, Dagmar Ondracek, iwwert de Programm an de Kader geschwat. Si erzielt zousätzlech, wat fir si Concerten ausmaachen, wéini ee mierkt dass de Fonken iwwerspréngt a wéi ofwiesslungsräich d'Aarbecht als Solo-Braatschistin ass. Ugefaange mat der Fro, wéi Schumann a Bridge an engem Programm zesumme passen.
Programm
Robert Schumann (1810-1856)
- Märchenerzählungen op.132
- Klavierquartett op.47
Frank Bridge (1879-1941)
- Fantasie fir Piano Quartett H.94
Interpreten
Filippo Ricciardo Biuso, Klarinett
Nelly Guignard, Gei
Dagmar Ondracek, Braatsch
Vincent Gérin, Cello
Jessica Chan, Piano