De Mann misst dann virweise kënnen, dat hie genuch eege Revenuen huet, esou den Inneminister Léon Gloden a senger Äntwert op eng parlamentaresch Fro. Laut Gesetz entsprécht de Revenu dem soziale Mindestloun.
D‘Affär hat héich Wellen a Kënschtlerkreeser geschloen an deenen de Fotograph sech een Numm gemaach hat.
De Minister preziséiert, datt dëse Fall, genee wéi all aner Immigratiounsdossieren, dem Gesetz no géife behandelt ginn. Den Demandeur hätt awer net kënnen noweisen, datt hie genuch Eegemëttel hätt.
Déi Reegele géife fir Leit aus allen Aktivitéitsberäicher gëllen, an net nëmme fir Leit aus der Konschtzeen. Dofir hätt déi zoustänneg Kommissioun d‘Demande och refuséiert.
Den Alborz Teymoorzadeh huet eegenen Aussoen no d‘Land an Tëschenzäit scho verlooss.