Enn Mäerz hu sech d'Lëtzebuerger Militärmusek an hiren Dirigent a Lieutenant Col. Jean-Claude Braun zesummefonnt, fir eng Rei Wierker opzehuelen.
Ënnerstëtzung kruten si dobäi vum éisträicheschen Komponist an Dirigent Otto M. Schwarz, wéi och dem Sound-Ingenieur Lex van Diepen.
Iwwert e puer Deeg hunn si am Proufsall am Stater Conservatoire hir perséinlech Coup de coeur'en opgeholl, déi si deemnächst och op de Streamingdéngschter erausbréngen.
De Lex Kauffmann vum opus 100,7 huet dës Produktioun sur place suivéiert.