De Xavier Bettel ënnersträicht, datt een nom Eclat am Wäissen Haus viru knapp zwou Wochen tëschent dem US-President Donald Trump an dem ukrainesche President Wolodymyr Selenskyj kéint frou sinn, datt déi zwou Delegatiounen nees matenee schwätzen. Decisioun géif lo bei Russland leien, esou de Xavier Bettel.
Selenskyj bleift mësstrauesch
Den amerikaneschen Ausseminister Marco Rubio huet confirméiert, datt d’USA sech nach haut um Mëttwoch wéilte mat Russland zesummesetze fir e Waffestëllstand ze negociéieren.
Den ukrainesche President Wolodymyr Selenskyj huet um Mëttwochmëtteg op enger Pressekonferenz betount, datt hie kee Vertrauen a Russland hätt, wat d’Duerchsetzunge vun enger kompletter Wafferou ugeet. Dat mellt déi franséisch Presseagence AFP.
