De Braatschist Sào Soulez Larivière steet mat senge Mëtt zwanzeg Joer nach an de fréie Jore vu senger Carrière. An trotzdeem gouf hien zum "Young Artist of the Year 2023" gewielt an huet och den ICMA Award gewonnen.
De Museker, deen aktuell zu Berlin wunnt, ass dëst Joer dann och als ee vun de Rising Stars aus dëser Saison vun ECHO, der European Concert Hall Organisation, nominéiert ginn. Domat huet hien d'Chance mat am ganze 17 Concerten duerch di verschiddenst Concertshaiser an Europa ze touren. Eng immens Erfarung fir de jonke Museker mat franséisch-hollänneschen Originnen, iwwert déi hien am Gespréich mam Lex Kauffmann geschwat huet.
Lauschtert hei den Interview mam jonke Braatschist Sào Soulez Larivière.
De Concert zu Lëtzebuerg ass den 13. November 2024 ab 19h30 am Kammermusekssall vun der Philharmonie.
Programm
Rebecca Saunders (1967- )
Hauch II
Julia Wolfe (1958- )
Cloth fir Braatsch an Tounband
Robert Schumann (1810-1856)
Märchenbilder op.113
Igor Stravinsky (1882-1971)
Elegy fir Braatsch
Dmitri Schostakovitch (1906-1975)
Sonat fir Braatsch a Piano
Interpreten
Sào Soulez Larivière, Braatsch
Julia Hamos, Piano