De Jean Thill a Lex Kauffmann blécken an engem Gespréich zeréck op d'Liewe vum Impressionist Maurice Ravel.
Seng Studentenzäit
De Maurice Ravel huet ee schwierege Start an d'Beruffsliewen, an dat schonn a senger Studentenzäit. Zwee Mol huet hien e Studium um Paräisser Conservatoire ugefaangen, béid Kéieren ouni Ofschloss. An eemol dovu souguer beim grousse Komponist Gabriel Fauré. De Ravel beherrscht perfekt d'Reegele vum Kontrapunkt. Hien huet och konkret a kreativ Virstellunge vu Musek, wat zu dëser Zäit net onbedéngt an d'schoulesch Struktur passt.
Esou lues kënnt de Succès
Dem Maurice Ravel säi Succès kënnt verhältnesméisseg spéit mat enger Tournée duerch Amerika. 1927 mécht hien sech op de Wee, fir sech a seng Musek engem amerikanesche Publique ze presentéieren.
Dës Tournée start fir d'éischt mol touristesch. De Ravel geet a Kalifornie wou hien d'Natur bewonnert.
De musikaleschen Deel verbréngt hien haaptsächlech zu New York, wou hien als Pianist Concerten och mat eege Wierker gëtt. Och de Journaliste weist hien sech oppe fir Gespréicher. Funfact: De Ravel ka keen Englesch, seet esouguer ee Rendez-vous mam Charlie Chaplin of a freet Hëllef bei Iwwersetzer.
Spéiderhinn lieft den Ravel an Amerika a groussem Succès.
De Gebuertsdag gëtt och op senger Tournée gefeiert
Zu New York feiert de Maurice Ravel säin 53. Gebuertsdag. D'Eva Gautier, eng bekannt Sängerin an och Matorganisateurin vum Ravel senger Tournée, organiséiert eng grouss Feier mat bekannte Gesiichter wéi ënnert anerem och dem George Gershwin. Dee wollt esouguer beim Ravel spéiderhi Coursen huelen.
"Firwat wëll dir een zweet-klassesche Ravel ginn, wann dir een éischt-klassesche Gershwin sidd?"
"Wann dir Lidder komponéiert hutt, déi Iech e puer Dausend Dollar abréngen, wier et besser dir géift mir e puer Stonne Coursë ginn."
Maurice Ravel zum George Gershwin
Béid Museker pfleegen eng gutt Bezéiung mateneen a ginn och op Harlem vill Jazz lauschteren.
Spéiden Erfolleg a Frankräich an déi lescht Joren
Méi spéit geléngt dem Ravel säi Succès och a senger Heemescht Frankräich. Hei schreift hien op Commande vun der Dänzerin Ida Rubinstein de spuenesche Ballet "Bolero, an dat mat enormen an unhalendem Erfolleg.
Mat 57 Joer huet de Ravel een tragescht Taxi Accident. Dobäi kënnt eng neurologesch Krankheet, wouduerch de Ravel och net méi komponéiere kann. Eng Operatioun am Alter vun 62 Joer an zwee Deeg am Koma markéieren déi lescht Stonne vum Maurice Ravel sengem Liewen.