De Konsum fänkt fréi un, dacks scho virum 18. Gebuertsdag. Generell géif de Konsum vun deene Jonken engem Suerge maachen. Dat hat de Lex Schaul vun der Fondation Cancer dës Woch op eiser Antenne gesot.
Dobäi fëmmen déi meescht Jonk weiderhin déi traditionell Tubakszigaretten. Vill gräifen awer och zur elektronescher Zigarett, mee och d'Nikotinsäckelcher, déi sougenannte Pouches, hu bei de 16 bis 24 Järegen vill Succès.
