De President Macron huet, wéi erwaart, de Gabriel Attal gefrot, fir bis op Weideres mol nach den Interim ze maachen, fir d‘Stabilitéit vum Land ze garantéieren.
Ween neie Premier gëtt, ass nach net gewosst: Et kënnegt sech eng schwiereg Regierungsbildung un. Déi lénks-gréng Allianz Nouveau Front Populaire huet jo am Meeschten Deputéiert an der neier Assemblée Nationale kritt. Méi wéi dem President Macron seng Allianz Ensemble, a méi wéi de rietsextreme Rassemblement National.
