Et ass eent vun deene Wierker, dat de Gerry Welter virum Enn vu senger Karriär nach emol dirigéiere wëll: De 'Stabat Mater' vum Antonin Dvořák. En Donneschdeg, 2. November geet dëse Wonsch an der Méchelskierch an Erfëllung. D'Kompositioun steet do mam Méchelschouer, véier Solisten an dem Orchester Estro Armonico op der Affiche. De Luc Boentges schwätzt mam laangjäregen Dirigent vum Chouer iwwer d'Wierk, wat et esou besonnesch mécht a wisou et esou emotional gelueden ass.