Am Stater Conservatoire kann een eng ganz besonnesch Oper kucke goen. D’Chant Lyrique Klasse ginn op d’Bün a presentéieren eng Reinterpretatioun vum W.A. Mozart sengen Operen. Hir Enseignanten, d’Hélène Bernardy an d’Monique Simon hunn zesumme mat der Pianistin Emmanuelle Bizien Extraiten aus bekannten Opere vum Mozart nei arrangéiert. Begleet ginn si vum Philharmoneschen Orchester vun den Enseignanten, ënner der Baguette vum Carlo Jans.
D’Editioun 2023 ass e Freiden, de 24. November um 20 Auer an e Sonnden, de 26. November um 16 Auer am Auditorium vum Conservatoire an der Stat. Weider Informatiounen, esou wéi d’Reservatioun vun de gratis Tickete fannt dir hei.