D’Lynn Orazi ënnerriicht Piano am Escher Conservatoire. Dacks spillt si awer och op Concerten. Een dovunner ass dëse Sonnden am Conservatoire selwer, zesumme mat zwee weideren Enseignanten: der Päivi Kauffmann op der Flütt an dem Romain Gross op der Klarinett.
Um Programm steet ganz verschidde Musek, vu Barock iwwer jazzy bis Romantik – Musek, déi wéi d’Lynn Orazi seet, éischter zäitlos sinn. Si huet dem Marie Schockmel an engem Gespréich och nach méi verroden iwwert den Trio an de ganz variéierte Concertsprogramm.
Hei ginn et weider Informatiounen iwwert de Concert.