Zwee Kontinenter, zwou Epochen
De Marin Marais war Komponist um Haff vum Louis XIV also am 18. Joerhonnert, de Calixto Àlvarez gouf 1938 zu Kuba gebuer. Hir Kompositiounen op dem Album hunn awer eppes gemeinsam. Allebéid hunn Danzsuite fir d'Viola de Gamba komponéiert.
D'Folies d'Espagne neiinterpretéiert
Dem Calixto Àlvarez seng Kompositioun Folias Americanas besteet aus Variatiounen op d'Melodie vun de Folies d'Espagne vum Marin Marais. Den Àlvarez interpretéiert awer déi traditionell Danzsuite nei. Am Plaz vun de franséischen Dänz, huet hie fir seng Suite Afro-kubanesch Dänz benotzt. Als Intro an Outro ginn et zwee Stécker fir dräi Viole vum Marin Marais.
E modernen Ensembel mat historeschen Instrumenter
Den Ensembel Vedado besteet aus zwou Gamben engem Cembalo, enger Theorbe an enger Barocker Gittar. Den Ensembel besteet aus Museker a Musekerinnen déi souwuel den historesche Repertoire op héijem Niveau spillen, wéi och zäitgenëssesch Musek.
