D'Zuel vu Schüler a Schülerinnen ass dëst Joer nach emol gewuess. An der Grondschoul sinn et am Ganzen 62.455 Kanner. Dat ass e Plus vun 10 Prozent am Verglach zu zejoert. Am Secondaire sinn et am Ganzen 53.692 Schülerinnen a Schüler. Dat ass e Plus vu 14 Prozent am Verglach zu zejoert, esou d'Zuele vum Educatiounsministère.
Wat d'Léierpersonal ugeet stinn an der Grondschoul ronn 6.400 Enseignanten an Enseignanteën zur Verfügung, an am Secondaire ronn 6.000.
An der Grondschoul maachen d'Fraen 81 Prozent vum Léierpersonal aus an d'Männer 19 Prozent. Am Secondaire sinn et 55 Prozent Fraen a 45 Prozent Männer.
Am Virfeld vun der Schoulrentrée huet d'Sécurité Routière betount, datt Automobiliste besonnesch gutt sollen oppassen.