Illegal Rave am Norde vum Land vun zejoert kritt e juristescht Nospill

Justiz

Gëschter - 10h13

Illegal Rave am Norde vum Land vun zejoert kritt e juristescht Nospill

Déi illegal Rave-Party d‘lescht Joer am Juli op enger Wiss bei Hengescht kritt e juristescht Nospill: Wéi d‘Wort de Moie mellt, sinn 63 Persounen ugeklot, déi sech virum Dikrecher Police-Geriicht musse veräntwerten.

1 min

Justitia (Foto: Stefan Puchner)

De Prozess géif de 24. November ufänken a wier op véier Deeg ugesat. Déi Ugeklot musse sech wéinst Verstéiss géint d‘Naturschutzgesetz veräntwerten, erkläert de Justizspriecher Henri Eippers am Wort.

Zwou Persoune ware wéinst Drogebesëtz festgeholl ginn

Am Juli d‘lescht Joer waren 19 Persoune vun der Police matgeholl ginn, zwou weider Persoune ware wéinst Droge festgeholl ginn an an Untersuchungshaft komm. Déi solle virun d‘Bezierksgeriicht kommen.