Den ukrainesche President Wolodymyr Selsnekyj sot, de Stopp vun de Gasliwwerunge wier eng vun de gréissten Néierlage fir Moskau. Betraff dovun ass bal een Drëttel vun de russesche Gasliwwerungen no Europa. Mee eng Partie osteuropäesch Länner si besuergt, dorënner Moldawien, wou den Noutstand ausgeruff gouf.
Och de slowakesche Premier Robert Fico, deem säi Land staark ofhängeg vun deene Gasliwwerungen duerch d‘Ukrain ass, huet virun engem drasteschen Impakt fir all d‘EU Länner gewarnt.