D'Concerts de midi vun der Stad Lëtzebuerg maache keng Summerpaus. Déi véier Concerten, déi an der grousser Vakanz statt fannen, gi just vu bannen no baussen an de Park vun der Villa Vauban verluecht. Deementspriechend gëtt de Programm an d'Instrumentéierung op d'open-air Situatioun ausgeriicht.
De Serge Kieffer, deen d'Concerts de midi plangt, huet dem Christophe Mirkes am Interview verroden op wat beim Choix vun de Concerten grousse Wäert geluecht gëtt. A virun allem, wat de Plang B ass, wann d'Wieder net mat mécht.