‘Clear Voices in the Dark’ heescht den neien Album vun deem amerikanesche Kammerchouer Skylark. Den Ensembel erënnert programmatesch un zwee tragesch Kricher: engersäits den amerikanesche Biergerkrich, anerersäits den Zweete Weltkrich. Musikalesch dréckt sech dat a Lidder aus dem Biergerkrich an dem Zyklus ‘Figure Humaine’ vum Francis Poulenc aus. Grad an dësen Zäiten ass den Album thematesch leider héichaktuell. Musikalesch huet en seng Stäerkt virum allem an den Interpretatioune vu Skylark, deen et fäerdegbréngt, zwee ganz verschidde Genrée beieneen ze bréngen.
