Dräi Concerten, dräi Ensembelen
Niewent der Schola vun der Clierfer Abtei, déi vum Dom Jacques Prudhomme geleet gëtt, sinn dëst Joer och zwee franséisch Chéier agelueden.
Den Ensembel "Le Chœur Grégorien de Paris" mécht de 15. Oktober den Optakt. D'Thema vun hirer Presentatioun steet ënnert dem Titel : "Les Apôtres". D'Schola vun der Clierfer Abtei séngt den 22. Oktober. Si hunn als Thema "Vocation Liturgique de la Création" gewielt. De Fraen Ensembel „Discantus", och vu Paräis, mécht den Ofschloss vu "Les Dimanches du Chant Grégorien" den 29. Oktober. De Gesangsensembel steet ënnert der Leedung vun der Brigitte Lesne. D'Thema ass do: "Nova sonet harmonia".
De Carlo Link huet sech am Virfeld fir de Programm vun dësem Joer intresséiert.