Den Opus elo op DAB+

Lëtzebuerg huet e Klassikradio!

Mam Opus ass elo den éischten an eenzege lëtzebuergesche Klassikradio um DAB+. Lauschter mat dengem digitale Radio ronderëm d’Auer klassesch Musek, Lëtzebuerger an international Concerten a start gemittlech an däin Dag mam Harmonesche Moien.

auto_stories

3 min

Musek, déi dech duerch den Dag begleet, mat engem Fokus op Lëtzebuerger Museker:innen: Um Opus  fënns du klassesch Musek non-stop. Entdeck eis Live-Show an där dech de Lex Kauffmann all Moien ënner der Woch tëschent 9h an 12h mat interessanten Theeme ronderëm déi klassesch Musek begréisst. Um Sonndeg kanns du e gemittlechen Ament mat der Emissioun Resonanzen verbréngen an ëmmer Méindes, Mëttwochs a Sonndes kanns du Live-Opname vu Concerten aus Lëtzebuerg an aus internationale Concertshaiser héieren.

Wat ass den DAB+?

DAB+ (Digital Audio Broadcasting Plus) ass den internationale Standard fir den digitale Radio. Zënter dem 1. Dezember 2025 gëtt et den DAB+ och zu Lëtzebuerg. Den DAB+ erméiglecht méi eng grouss Offer u Radiosenderen a bitt ee méi stabillen Empfang an eng besser Tounqualitéit wéi den FM. Grad fir déi Klassesch Musek ass den DAB+ domat eng gutt Optioun. Probéier et aus!

Wat brauch ech fir den Opus um DAB+ ze empfänken?

Viraussetzung fir den Opus kënnen ze empfänke sinn:

  • En DAB+-fäegt Radiogerät (z. B. e Kicheradio, en digitale Wecker mat Radio-Funktioun oder och e klenge Radio mat Batterien)
  • En Auto mat engem integréierten DAB+-Empfänger (zënter dem 21. Dezember 2020 ass an all neiem Auto an Europa en DAB+-Empfänger agebaut. Bei méi alen Autoen ass et méiglech, en DAB+-Empfänger nozerüsten)

Wéi fannen ech den Opus?

Stell däi Gerät op den DAB+-Modus an a sich no de verfügbare Senderen. Wiel dann an der Lëscht den Opus 100,7 aus.

Den DAB+ huet generell e stabilt Signal. Trotzdeem kann den Empfang vum Ëmfeld ofhänken. Besonnesch bannen a Gebaier kann et z. B. duerch aner elektronesch Geräter an LEDen zu Stéierunge kommen. Fir den Empfang ze verbesseren, ginn et zwee Tipps:

  • D’Positioun vum Gerät änneren an et z. B. méi no bei eng Fënster stellen
  • D’Antenn ganz erauszéien a verschidden Ausriichtungen ausprobéieren

Keen DAB+? Kee Probleem!

Mee och ouni DAB+ kanns du Klassik iwwerall erliewen: mat der App vum Opus, der App Radioplayer engem Internetradio oder mat engem Smartspeaker. An an eiser Mediathéik fënns du dee Concert, dee grad an deng Stëmmung passt, d’Live-Show Harmonesche Moien fir nozelauschteren, Podcasten, Interviewen a Gespréicher ronderëm déi klassesch Musek. Hei kanns du d’App downloaden:

App Store

Google Play

Iwwert den Internet kann een direkt um Site www.opus.radio lauschteren.

Wann en Internetradio den Opus net fënnt, kann een dës Adressen (URL) aginn: