Ween verstoppt sech hannert dem Pseudonym "Mel Bonis"?
D'Äntwert ass: d'Mélanie Bonis!
Eng franséisch Komponistin aus dem 19. Joerhonnert, déi bis haut iwwer 300 Wierker hannerlooss huet. Gelieft huet si zu enger Zäit, zu där si sech géint eng Männer-dominéiert Musekswelt duerchkämpfe misst an sech dofir entscheed huet, déi eegen Identitéit ze verstoppen.
Concert den 02. Mäerz mat der Geiistin Sandrine Cantoreggi a Pianistin Sheila Arnold
Dëser Kënschtlerin hunn sech déi lëtzebuergesch Geiistin Sandrine Cantoreggi an déi däitsch Pianistin Sheila Arnold ugeholl. Si fannen, et ass derwäert der Mélanie Bonis hir Musek un d'Leit ze bréngen a méi bekannt ze maachen. Dofir hunn si Enn 2023 net nëmmen een Album mat der Mel Bonis hirer Musek erausbruecht. Ma aktuell schaffen si och un engem Concertsprogramm am Ettelbrécker CAPE, deen de Fokus op dës spéitromantesch-postmodern Kënschtlerin leet.
Sandrine Cantoreggi (©Radio 100,7) & Seila Arnold (©Marion Koell)
Am Opus 100,7 Gespréich
Am Gespréich mam Lex Kauffmann schwätzen d'Musekerinnen iwwert hir déifgrënneg Recherche iwwert déi franséisch Komponistin, hir Faszinatioun fir dëse Personnage an d'Relevanz vun dëser Musek hautdesdaags.
"Si ass eng villfälteg an déifgrënneg Perséinlechkeet."
Sandrine Cantoreggi iwwert d'Komponistin Mélanie Bonis
weider Infoen zum Concert
De Concert am Ettelbrécker CAPE zu der Mel Bonis fënnt dann och den 02. Mäerz statt. Alleguerten d'Informatiounen zu dësem Event fannt dir hei.