Eigentlech geet d'Anna Lapwood réischt Enn Juni nees op Tournée. Lo um 4. Juni steet awer nach Diddeleng op hirer Agenda. Si hëllt de Concert vum 30. Abrëll no, deen si aus gesondheetleche Grënn hat missen ofsoën.
Si gëtt mat grousser Virfreed erwaart, de Concert vun haut den Owend ass ausverkaaft. Op TikTok huet si Honnertdausende vu Follower a si spillt reegelméisseg an deene gréisste Concertssäll uechter Europa. Elo steet fir si zu Lëtzebuerg e Concert op der Affiche, op dee si sech ganz besonnesch freet: Haut spillt si nämlech op der Uergel zu Diddeleng an der Kierch.
Et ass en Instrument, dat si scho méi laang eng Kéier ausprobéiere wollt, wéi si dem Luc Boentges am Interview verréit.
Organiséiert gëtt dëse Concert vum FIMOD, dem Festival international d'orgue de Dudelange. Hei fannt Dir de Progamm.