De Conservatoire zu Esch ass net nëmmen eng Schoul, mee och ee Concertshaus. Fir déi nei Saison 2023/24 ass de Programm gutt gefëllt. Mat dobäi sinn erëm vill Concerte mat Enseignanten an international Gruppe wéi "Klazz Brothers" mat südamerikanescher Musek, deen den éischte Concert vun der neier Saison spillt. Och speziell Spektakel fir Famillje mat Kanner sinn erëm mat dobäi, wéi d'Schlappeconcerten, wou d'Kanner Schlappen unhunn. Ee neit Konzept ass d’Piano Week – do dréit sech fir eng ganz Woch alles ronderëm de Piano. D’Marie Schockmel huet sech mam Jean Halsdorf, dem Direkter vum Escher Conservatoire, ënnerhalen.