Den 2. Mäerz ass am Mierscher Kulturhaus e ganz aussergewéinleche Concert. Ënner dem Motto “Paysages en Variations” luet d’Kammerata op en Owend an, mat Kammermusek vum Messiaen, Bonis oder och Kurtag ënner anerem. De Maurice Clement ergänzt d’Stécker um Piano mat Improvisatiounen. Dozou kënnt nach eng visuell Dimensioun: et ginn Naturfotoe vum Norbert Ketter a Raymond Clement projezéiert. Dat Ganzt ass un eng Ausstellung vun de Fotoe gekoppelt, déi bis de 29. Mäerz op bleift.
De Maurice Clement huet dem Marie Trussart ënner anerem verrode, wat een sech ënner dem Konzept virstelle kann a wat genee d'Roll vun der Improvisatioun wärend dem Concert wäert sinn.