Wa si d‘Intentioun hätte fir am Numm vu Russland am Krich géint d‘Ukrain Deel ze huelen, da wier dat ee ganz ganz seriöe Problem, esou nach de Chef vum Pentagon, ouni weider Detailer ze nennen. Zënter Deeg ginn et Berichter, datt bis zu 12.000 nordkoreanesch Zaldoten am Numm vu Russland an der Ukrain kämpfe sollen.
Dem südkoreanesche Geheimdéngscht no hätt Nordkorea bis ewell schonn 3.000 Zaldoten a Russland geschéckt. Si géife sech a Militärbasen do ophalen, wou si scheinbar op den Asaz géint d‘Ukrain virbereet géife ginn.
Den däitschen Ausseministère huet wéinst de Meldungen den nordkoreanesche Chargé d‘affaires aberuff.