Françoise Groben, Jean Halsdorf, Michèle Kerschenmeyer, Sandrine Cantoreggi ... alles Lëtzebuerger Perséinlechkeeten aus der klassescher Musek, an all hunn si de Prix Mameranus eemol gewonnen. Dee gouf vun der “Stiftung zur Förderung junger Künstler in Luxemburg” 1990 ënnert dem Numm “IKB-Präis” an d’Liewe geruff. Dëst Joer geet de Prix Mameranus un zwee jonk Lëtzebuerger Cellisten. Dat sinn d’Lea Reutlinger an de Benjamin Kruithof. D'Präisiwwerreechung, bei där béid Laureaten optrieden, ass den 8. November um 19:30 Auer am Mamer Schlass.