Hei kënnt dir nach emol a Resonanzen eralauschteren.
Catch Music Festival
Quell: Catch Music Festival (Flyer 2025)
"Flott Musek zesumme maachen a Freed zesummen hunn" - dat ass d'Zil vum "Catch Music Festival". Dat ass ee Kammermusekfestival hei am Land, deen dëst Joer seng 4. Editioun vum 14. bis de 16. Mäerz zu Bouneweg organiséiert gëtt. Grënnerinne sinn zwou Lëtzebuerger Musekerinnen, d'Pianistin Cathy Krier an d'Geiistin Laurence Koch.
Et geet haaptsächlech drëms, deen "alen, verstëbsten, ultra steiwen Image deen d'klassesch Musek huet, ze briechen", wéi d'Cathy Krier erzielt. Am Gespréich mam Marie Trussart verréit si méi.
Neie Marsch fir zukünftege Grand-Duc gesicht
Chefdirigent vun der Militärmusek, Jean-Claude Braun © radio 100,7
D'Frënn vun der Militärmusek sichen mat der Ënnerstëtzung vum Kulturministère an der SACEM no engem neie Marsch zu Éiere vum neie Groussherzog Guillaume. Dëst am Kader vum Trounwiessel am Oktober 2025.
Gesiicht gëtt virun allem eng nei Eegekompositioun fir militäresch Zeremonien ze encadréieren an eng, déi un ee Foussmarsch ugepasst ass.
Am Gespréich war beim Lex Kauffmann den aktuelle Chefdirigent vun der Militärmusek, de Lieutenant-Colonel Jean-Claude Braun.
Si hunn sech iwwert d'Critère vum Concours ënnerhalen an och déi historesch Valeur vun esou Märsch an der Lëtzebuerger groussherzoglecher Geschicht.
De komplette Règlement an d'Informatiounen zum Kompositiounsconcours fannt dir hei.
D'Braatsch als Protagonist - Eise Klassik Album vun der Woch
Album Timothy Ridout
Iwwert dës Produktioun ënnerhält sech de Lex Kauffmann mam Marie Schockmel.