Als Kand ass si net dacks an d’Kierch gaangen. Dunn huet d’Lucile Dollat hir Passioun fir d’Uergel entdeckt an ass mëttlerweil Titularorganistin an zwou bKierchen zu a ronderëm Paräis. Déi 26-Joer-jonk Organistin spillt dëse Samschden 14. Oktober ee Concert hei am Land, dat am Kader vun der Uergelnuecht an der Martinskierch zu Diddeleng, déi um 8 Auer Owes ufänkt. Ënner dem Motto “Rising Stars” trieden och zwee weider jonk Uergel-Talenter op. Méi Informatiounen zum Programm fënnt ee bei de Frënn vun der Uergel. D’Lucile Dollat huet dem Marie Trussart ënner anerem verroden, wéi d’Uergel si deemools verzaubert huet a wat um Programm vum Concert steet.