Et wier wichteg, d‘Ukrain weider ze ënnerstëtzen. Dofir soll an der Schwäiz eng Friddensreunioun organiséiert ginn. An den Ae vum Xavier Bettel dierften op enger eventueller Friddenskonferenz awer net nëmmen déi 27 europäesch Staats- a Regierungscheffen derbäi sinn, mee och Vertrieder aus Afrika, Südamerika an Asien.
Theema de Méindeg war awer och d‘Situatioun am Noen Osten: Op deem Niveau gouf iwwer méiglech Sanktioune geschwat, och géintiwwer Israel. An hei wier näischt ausgeschloss, esou den Ausseminister.
"Wat sécher ass, ass datt alles wat Munitioun ass an Dronefabrikatioun vun iranescher Säit, dat soll ënner Sanktioune falen."
De Service juridique vum Conseil hätt den Optrag kritt, fir weider Pisten auszeschaffen, eben och wat méiglech Sanktioune géint Israel ubelaangt.