D’Matilda Lloyd ass eng jonk brittesch Trompettistin, déi elo fir d’alleréischt Kéier op Lëtzebuerg kënnt. An der Philharmonie spillt si am Kader vum “Rising Star” Programm vun der ECHO (European Concert Hall Organization) e Concert mat engem ganz diverse Programm. Mat dobäi ass och de Pianist Martin Cousin, mat deem d'Trompettistin scho ronn 5 Joer zesummespillt.
Iert si hir Wallis fäerdeg gepaakt huet fir hir Rees vu Berlin bis heihin, huet d’Trompettistin dem Marie Schockmel op e puer Froe geäntwert. Ënnert anerem verréit si, wat hiert Liblingswuert op Däitsch ass, an hiert Ritual kuerz virun all Optrëtt.