Am Kader vum Iechternacher Uergelsummer gëtt et an der Basilika eng Rei Concerten. Fir den Optakt vun der Saison mécht d'Basilika all Freide Mëtten um 12 Auer seng Dieren op an et kann een iwwer d'Mëttegpaus e flotten Uergelconcert kucke goen. D'Marie Trussart huet mam Titularorganist Jos Majerus iwwer de Programm vun Uergel Punkt 12 geschwat. Hien huet och verroden, wéi de Projet entstanen ass a firwat hien denkt, datt déi zwou Uergelen an der Basilika esou besonnesch sinn.
Den Entrée ass iwwregens gratis, weider Informatiounen zum Programm fannt Dir um Internetsite vun der Iechternacher Basilika.