De Félix Turrion Eichler ass 24 Joer jonk a vu klengem u passionéierte Museker. Haut studéiert hien Hautbois a komponéiert gläichzäiteg eng Rei eege Wierker. Seng neiste Kompositioun mam Numm “Imbalance” gouf bis ewell nach net viru Public gespillt.
Dat ännert sech elo mat engem Concert vun de Solistes Européens, Luxembourg mam Dirigent Christophe König an der Dänzerin Sylvia Camarda. Bei engem Concert am Grand Auditoire vun der Philharmonie, gëtt dëst Wierk nämlech uropgeféiert. D'Kompositioun ass dann och an Zesummenaarbecht mam Kulturministère entstanen.
Am Gespréich mam Lex Kauffmann schwätzt de jonke Museker iwwert seng Usiicht vu klassescher Musek vun haut a verréit, wat hannert "Imbalance" stécht. Grat esou, woufir seng Passioun nieft der Musek brennt.
Op Wonsch vum Museker, hunn si sech am Interview geduuzt.