De Roland Hayes ass ee vun den alleréischte schwaarze Museker, deen op enger klassescher Concertsbün séngt. Fir hie war och näischt onméiglech – de Roland Hayes lount selwer ee grousse Concertssall zu Boston, mécht seng eege Reklam, an huet d’Stemm zu sengem Instrument gemaach. Als Bouf vu Sklave gëtt hien duerno ganz berüümt an ënnerstëtzt och vill aner afroamerikanesch Musekerinnen a Museker. D‘Maria Gutierrez verréit eis méi iwwert de Roland Hayes.