De Laurent Loschetter soll neie President vum Verwaltungsrot vum radio 100,7 ginn. Dës Propos vum Premier- a Medieminister Xavier Bettel soll muer am Regierungsrot ugeholl ginn.
Den 23. November fänkt de Cassatiounsprozess an der Luxleaks-Affär un, mellt Paperjam
D'Gewerkschaften LCGB an OGBL fuerdere vun der BIL méi Informatiounen iwwert déi méiglech Iwwernam vun der Lëtzebuerger Bank duerch déi chinesesch "Legend Holdings Corporation"
D'DP-Deputéiert Joëlle Elvinger gëtt als Rapportrice vum Staatsbudget 2018 proposéiert
Haut viru 75 Joer gouf de Generalstreik lancéiert. Zu Wolz ass de Moien dësem, fir Lëtzebuerger markant Evenement aus dem Zweete Weltkrich, geduecht ginn
No der drëtter Verhandlungsronn fir de Brexit hätt ee keng konkret Progrèse gemaach, sot de Mëtteg den EU-Chef-Negociateur Michel Barnier
De franséische Premier Edouard Philippe huet haut zesumme mat der Aarbechtsministesch Muriel Pénicaud d'Reform vum Aarbechtsrecht presentéiert. Virun allem solle kleng a mëttelgrouss Entreprisen ënnerstëtzt ginn
No der Messerattack virum Buckingham Palace zu London d'lescht Woch, gouf elo den Täter wéinst Terrorismus ugeklot.