arrow_back_ios
Klassik aktuell
Vun der Postkaart bis bei den Owesprogramm
Wann dir den Owend an de Concert mam Royal Philharmonic Orchestra an d'Philharmonie gitt - den éischte Concert vun der Saison - da kritt dir vu frëndlechen Dammen an Hären een Owesprogramm an der Grapp gedréckt. Um Wee fir an d'Garderobe an an den Auditorium fannt dir dann och nach Presentoire mat ë sëlleche Brochuren a Flyere vun Evenementer, déi deemnächst an d'Haus stinn. All dës Publikatioune ginn an der Philharmonie gemaach an d'Mataarbechter vun den Departementer Marketing an Editing waren an deene leschte Wochen am beschte Sënn vum Wuert am Drock, fir déi néideg Informatioune mat Zäite fäerdeg ze hunn.