D'syresch Regierung, Russland an den Iran wiere sech géint Uschëllegungen, datt chemesch Waffen an Ost-Ghouta agesat goufen - d'USA an d'Tierkei hunn d'Assad-Regierung am Verdacht
An Éisträich sollen déi staatlech Iwwerwaachungsméiglechkeeten ausgebaut ginn - d'Oppositiounsparteien a Biergerrechtsorganisatioune warne virun engem Agrëff an d'Privatsphär vun de Bierger
De fréiere brasilianesche President Lula da Silva huet sech hënt de Justizautoritéite gestallt an domat seng 12 joerlaang Prisongsstrof ugetrueden
Haut si Presidentewahlen an Ungarn, d'Wahlbüroe maachen um siwen Auer zou, géint Mëtternuecht gëtt mat engem Resultat gerechent, Favorit ass den aktuelle President Viktor Orban
Op der franséischer Bunn gëtt nach bis en Dënschdeg de Moie géint d'Reform vun der SNCF gestreikt - et soll ee vu fënnef TGVen an ee vun dräi Regionalzich fueren
D'Police vu Münster sicht nach ëmmer no engem Motiv, nodeems gëschter Mëtteg e Mann mat engem Campingsauto an d'Terrass vun engem beléifte Café gerannt ass
Lëtzebuerg wier e Welt-oppent Land, dat sot d'Staatssekretärin am Wirtschaftsministère Francine Closener haut an eiser Emissioun Riicht eraus
Am Davis Cup am Tennis wënnt Lëtzebuerg géint Georgien a bleift domat an der Europa/Afrika Grupp 2
De slowakesche Vëlosprofi Peter Sagan wënnt déi 116. Editioun vum Paris-Roubaix