Muer kennt et fir d'éischte Kéier zu engem Streik am Fleegesecteur hei am Land - vu sechs Auer muer de Moien u leet en Deel vum Personal vum Fleegeheem "An de Wisen" zu Beetebuerg d'Aarbecht néier
Hie wier iwwerzeegt, datt -anescht wéi beim Krankenhaus Nord zu Wien- de Budget vu ronn 540 Milliounen Euro fir dat geplangte Südspidol zu Esch géif agehale ginn. Dat sot de Georges Mischo, President vum CHEM-Verwaltungsrot an Escher CSV-Buergermeeschter
Lëtzebuerg kritt eng éischt rout Lëscht vu menacéierten Aarte vu Päiperleken: dat huet d'Carole Dieschbourg haut um internationalen Dag vun der Ëmwelt ugekënnegt
De LISER huet d'lescht Joer 164 Publikatiounen erausbruecht, 45 Prozent méi wéi dat Joer virdrun. Diskussioune gouf a gëtt et allerdéngs um Niveau vum Kollektivvertrag fir d'Mataarbechter vum LISER
D'CGFP an d'Regierung verhandelen iwwer en neit Gesamtofkommes fir d'Fonction publique
Eng Persoun, déi eng psychotherapeutesch Behandlung brauch, soll net d'éischt mussen e Psychiater gesinn, ier se hir Behandlung rembourséiert kritt - dat schreift d'Patientevertriedung haut am Kontext vun de Verhandlungen ëm d'Konventionéierung vun de Psychotherapeuten
De Statec bleift derbäi: déi nächst Index-Tranche erfält elo am 3. Trimester. Also op den 1. Juli oder, méi wahrscheinlech, op den 1. August respektiv den 1. September 2018
De Chef vum Chantier nieft dem Wichtelhaus zu Beggen huet dem Service Sites et Monuments schrëftlech verséchert, datt bei der Demolitioun géif opgepasst ginn, datt dat denkmalgeschützt Gebai net zu Schued kennt
D'EU-Inneministeren hunn haut hei um Kierchbierg iwwer déi ëmstridde Reform vun der europäescher Asylpolitik diskutéiert, déi jo schonn zanter 2016 blockéiert ass
Den Iran fänkt erëm un, Uran unzeräicheren. Dat wier dorop ausgeriicht, Israel ze zerstéieren, mengt den israelesche Premier Benjamin Netanyahu
Am French Open ass bei den Hären den Éisträichescher Dominic Thiem an der Halleffinall, bei den Damme sinn et d'Amerikanerinnen Madison Keys géint Sloane Stephens
Déi 2. Etapp am Critérium du Dauphiné Libéré am Cyclissem ass am Sprint vum Däitsche Pascal Ackermann gewonne ginn. De Bob Jungels ass haut als 58. an der selwechter Zäit wéi de Gewënner iwwer de wäisse Stréch gefuer
D'Lëtzebuerger Futtballnationalequipe spillt den Owend um aacht Auer an engem Testmatch am Stade Josy Barthel géint Georgien