Panorama
Panorama
0 min
Trotz der Verseuchung vum Stauséi duerch Cyano-Bakterien, déi sougenannte Blo-Algen, géif et beim Drénkwaasser kee Problem ginn, sot d'Ëmweltministesch Carole Dieschbourg
Den Ëmweltministère warnt weiderhin virum Impakt vum Wierder op d'Loftqualitéit - haut a muer kéint d'Konzentratioun vum Ozon an der Loft den Informationsseuil erëm iwwerschreiden
D'Legaliséierung vum Cannabis war haut Thema an der Chamber-Petitiounskommissioun
Fir de Rekrutement vu genuch Enseignante fir d'Grondschoul ofzesécheren, wëllt den Educatiounsminister, datt méi Kandidaten déi deementspriechend Formatioun op der Uni Lëtzebuerg ofschléissen
An der viraussiichtlech leschter Chamberssëtzung an dëser Legislatur sinn de Mëtteg eng ganz Rëtsch Gesetzesprojete guttgeheescht ginn, virun allem am Beräich vun der Finanzplaz
De Marco Zwick an de Claude Wampach iwwerhuelen zwee Direkteschposten bei der CSSF
Vill Luef an Unerkennung krut d'Mediateure Claudia Monti de Moien an der Chamber, am Laf vun der Debatt iwwer hiren éischte Rapport als Ombudsmann
Haut goufen d'Guichete fir déi automatesch Passkontroll um Findel offiziell ageweit
De Leetzëns am Euroraum bléift um nidderege Rekord vun null Prozent
A Groussbritannien gëtt de medezinesche Cannabis vum Hierscht un zougelooss
En Air China Vol vu Paräis op Peking huet missen ëmdréien, wéinst enger falscher Terrorismus-Warnung
D'USA droe mat Sanktioune géint d'Tierkei, wéinst engem amerikanesche Paschtouer, deen den Ament ënner Hausarrest zu Izmir ass
Am Pakistan huet de fréiere Cricket-Star Imran Khan vun der sougenannter Bewegung fir Gerechtegkeet sech selwer als Gewënner erkläert, nach éier all d'Stëmme gezielt waren
Den F91 Diddeleng, de Progrès Nidderkuer an d'Escher Fola spillen haut d'Aller-Matcher an der zweeter Qualifikatiounsronn vun der Europa League
De Fransous Arnaud Démare gewënnt déi 18. Etapp haut am Tour de France
De Bensin gëtt méi deier, beim 95er ass dat eng Hausse vun 2,1 Cent, dee kascht elo 1,263 Euro de Liter an den 98 gëtt 1,7 Cent méi deier a kascht elo 1,317 Euro de Liter