Klassik aktuell
E Chouer fir jiddwereen
0 min
Mat engem Stëmmungslidd iwwer d'Gesellegkeet an d'Drénke wollt den Dirigent Marc Dostert de Participante vum Online-Chouer an den Zäite vum Corona eng Freed maachen. Bei dëser zweeter Editioun hu ronn 50 Sängerinnen a Sänger matgemaach, déi sech eenzel bei sech doheem gefilmt an hire Clip erageschéckt hunn. Um Programm steet "Tourdion", e Lidd aus dem 16. Joerhonnert, dat dem Pierre Attaignant zougeschriwwe gëtt.
Drëtt Editioun mam Jeff Mack
Gläichzäiteg mat der Publikatioun vum Video vun der zweeter Editioun, lancéieren den 100,7 an den INECC den Opruff un all Interesséierte fir déi drëtt Editioun. Den Trompettist a Sänger Jeff Mack dirigéiert dës nei Editioun vum Lëtzebuerger Online-Chouer. Als Stéck proposéiert hien en eegent Arrangement vum bekannte Lidd "Down by the Salley Gardens". U sech wier et schonn e ganz aalt Lidd dat e bëssen aus der englesch-irescher Mythologie géif kommen, seet de Jeff Mack. Iwwer en anere Sänger wier hien dorop opmierksam ginn:
"Ech sinn iwwer den Andreas Scholl op dëst Lidd gestouss. Den Andreas Scholl huet dat als éischte Countertenor op der Night of the Proms gesongen. An dat huet mech esou faszinéiert, datt mech dat Lidd elo schonn iwwer déi lescht zéng Joer begleet."
Wéi matmaachen?
De Lëtzebuerger Online-Chouer ass op fir jiddwereen. Fir ze matzemaache ginn dräi einfach Schrëtt duer: Umellen, ophuelen an eraschécken. Nodeems ee sech iwwer d'E-Mail-Adress info@inecc.lu ugemellt huet, kritt een en techneschen How-To, d'Nouten an e Playback-Video geschéckt. Op dësem Video gesäit een de Jeff Mack dirigéieren an et héiert een d'Lidd "Down by the Salley Gardens". Wann een d'Nouten e bësse geüübt huet, filmt ee sech mam Smartphone, wärend ee synchron mam Playback-Video matséngt. Als lescht schéckt een den eegene Video dann un den INECC.
Episoden
Fräiheetsconcert zu Beetebuerg
D'Militärmusek invitéiert zesumme mam Amstel Quartet op ee Fräiheetsconcert zu Beetebuerg.
pOpera mat der Fondation EME
pOpera, dat ass den Numm vun engem Projet, deen d’Fondation EME vum 5. August bis den 12. September organiséiert.
Il Barbiere di Siviglia zu Bartreng
Sequenda bréngt den 11. September déi bekannten Oper vum Gioachino Rossini am ARCA zu Bartreng op d'Bün.
200 Joer Bruckner
Den Anton Bruckner gouf de 4. September 1824 gebuer, also viru genee 200 Joer. D'Marie Trussart mécht e Portrait vun dësem komesche Kauz aus der Museksgeschicht.
Schoul fir d'Liewen
Zu Ulm um Deutschen Musikfest 2025 wäerten d'Blosorchesteren net laanscht eng Kompositioun vum Georges Sadeler kommen.
'That's the thing about chamber music'
Den Niall Brown, artisteschen Direkter vum Konz Musik Festival, verréit, wat Kammermusek wierklech bedeit.
'Er war eigentlich immer da seit dem 8. oder 9. Lebensjahr'
Den Eberhart Klotz huet sech scho vu Kand u mat der Musek vum Bruckner beschäftegt. Elo gi seng Uergel-Transkriptiounen vun alle Sinfonien opgeféiert.
Eng Länner- an Zäitrees
Open-Air Concert vun der Militärmusek
