arrow_back_ios
Détente sous l'olivier
Dem Magellan seng Entdeckungsrees
De Fernão de Magalhães (Ferdinand Magellan) war e portugisesche Séifuerer, ee vun deenen, déi nei Weeër um Mier entdeckt huet. Am September 1519 huet de Magalhães sech mat fënnef Schëffer fir déi éischt Weltëmseegelung op de Wee gemaach an huet domat déi sougenannte Magellan-Strooss tëschent dem Festland a Feierland entdeckt, duerch déi hie mat nach dräi Schëffer an de Pazifeschen Ozean koum.
Den Olivier Dartevelle ass dem Fernão de Magalhães musikalesch nogereest a proposéiert domat e spannende Réckbléck op eng Aventure, déi heldenhaft, mee och mat vill Misär verbonne war.