1. Déi meeschte Leit sinn de Moie fir d'éischte Kéier an enger Welt erwächt ouni d'Queen Elizabeth déi Zweet. Si war méi wéi 70 Joer laang brittesch Kinnigin. Si ass gëschter am Alter vu 96 Joer gestuerwen
2. Neie Kinnek gouf direkt no der Queen hirem Doud hiren eelste Fils Charles, hie krut den Titel Kinnek Charles III.
3. Den Haff reagéiert op den Doud vun der Queen am "déiwen Trauer": D'Kinnigin Elizabeth déi Zweet wier och ëmmer staark un d'Frëndschaft tëschent Lëtzebuerg an dem Vereente Kinnekräich gebonne gewiescht
4. Xavier Bettel: D'Queen Elizabeth déi Zweet hätt hiert Land wärend siwe Joerzéngten duerch vill schwéier Momenter geféiert, mat grousser Stabilitéit an der Fäegkeet, Hoffnung ze inspiréieren