Mir stellen Iech an dëser Serie Mënsche vir, aus alle Liewensberäicher, déi Spannendes aus hirem Liewe verzielen. D’Andrée Eicher-Wolff ass eng nach ganz aktiv Madamm vun 91 Joer. Am Alter vu 6 Joer ass si 1940 mat der Famill am Krich vu Lëtzebuerg op New York geflücht. D’Rees war laang awer spannend fir dat kleng Meedchen deemools, dat jo net genee wosst, wat lass war.
Eng Babbel war si als Kand schonn an dofir hat si och alles anescht wéi Problemer an der neier Schoul an Amerika, obwuel si kee Wuert englesch geschwat oder verstanen huet.
Englesch ass bis haut déi haut Sprooch, an där si denkt, obwuel si 1951 zeréckkoum op Lëtzebuerg. Si gouf bestuet a krut eng Duechter. Am spéiden Alter ass si nach emol op d’Uni gaangen an huet mat vill Passioun bis 80 Joer um Stater Maart gehollef. Iwwer dat alles verzielt si eis. Ugefaange mat der Bedeitung vun hirem Liewensmotto: Courage, virun ...
