D'lescht Woch haten d'Deputéiert och scho fir en Erhéijung vun 2,6 Prozent vum soziale Mindestloun gestëmmt.
Déi sozialistesch Deputéiert Claire Delcourt betount um Donneschdeg an der Chamber och: Et misst méi fundamental a laangfristeg iwwer weider Reforme bei Revenuen an Hëllefe fir déi Schwächst an eiser Gesellschaft nogeduecht ginn.
"Fir eng Persoun mat geréngem Akommes kann och eng kleng Hausse schonn e groussen Ënnerscheed maachen. Mee mir dierfen awer net vergiessen, dass d'Montante vum REVIS an och vum RPGH och mat der virleiender Upassung nach ënner dem Referenzbudget leien, fir dezent liewen ze kënnen an och ënner der Aarmutsrisikogrenz."
Mat den aktuelle Montante kéint deemno eng gerecht sozial Inklusioun a gesellschaftlech Participatioun net garantéiert ginn.