D’Cyberattack war sonndes de 26 Juli. Betraff ware virop d’Donnéeë vu Leit, déi bei der CSL u Coursen deelgeholl hunn, beispillsweis am Kader vum Lifelong Learning.

Betraffener solle virsiichteg bleiwen 

D’CSL hätt déi Betraffen e puer Deeg drop per E-Mail informéiert, esou d’Martine Mirkes.

"Mir hu fest misste stellen, datt e relativ klengen Undeel vun eise Kontakter betraff war. Daten, Kontaktdaten, awer och Daten, déi een zum Beispill op enger Rechnung ka gesinn, wéi d'Demandë vun enger Facture oder eng IBAN-Nummer, kënnen och deelweis betraff gewiescht sinn." 

D’CSL warnt déi Betraffe virsiichteg ze si wat Kommunikatiounen iwwer Mail, Telefon oder SMS ugeet. Dat, well déi geklauten Donnéeë fir Online-Fraude kéinte benotzt ginn.

Wien hanner dem Cyberugrëff stécht wier nach net bekannt.