Hien hätt sech a senger Zäit als Europadeputéierten an deenen Dossieren och eng gewëss Credibilitéit opgebaut, sou de Christophe Hansen.
"Ech mengen, ech hunn eng gewësse Kredibilitéit zu Bréissel, well ech notamment vill op Agrar- an Ëmweltdossiere geschafft hunn. An et sinn och scho Leit, fréier Ministeren aus anere Länner, déi net onbedéngt vu menger Partei sinn, déi op mech duerkomm si fir dat doten ze maachen."
Am Kader vun enger Table ronde um radio 100,7 sot de Christophe Hansen, Landwirtschaft, Ëmwelt a Commerce wiere Portefeuillen, déi hie staark interesséiere géifen.
"Landwirtschaft ass ganz kloer e Ressort, dee mech géif interesséiere. (...) Och Ëmwelt ass mengen ech interessant, Commerce ass interessant, wou ee ganz vill ka maachen."