Do virdrun hat d‘Parteispëtzt vun der AfD en Optrëttsverbuet fir de Krah verhaangen. Hannergrond war eng Ausso vum Spëtzekandidat vun der AfD, Maximilian Krah, leschte Weekend. Hien hat an engem Interview mat der italieenescher Zeitung La Repubblica gesot, datt net all Membere vun der SS kriminell gewiescht wieren.
Am Europaparlament wäerten déi zwou riets-extreem Parteie Rassemblement national an AfD net méi zesummeschaffen. Déi Decisioun hätt de Jordan Bardella, President vum Rassemblement national a Spëtzekandidat fir d'Europawalen, getraff, huet säi Spriecher erkläert. Domat verléiert d’Alternative für Deutschland ee vun hire wichtegste Partner am EU-Parlament.