D'lescht Woch waren déi éischt 16 Migranten, déi am Mëttelmier gerett goufen, vun den italieeneschen Autoritéiten an Albanien bruecht ginn. Si sollten do hir Aslydemande maachen an, jee no Ausgang, zeréck an hire Heemechtslänner oder awer an Italien geschéckt ginn.
E Geriicht zu Roum hat awer decidéiert, datt dat net legal ass, an déi Betraffen an Italien misste bruecht ginn, well hir Heemechtslänner Ägypten a Bangladesch net kéinten als sécher ugesi ginn.
Mam neien Dekreet soll et elo gesetzlech verankert ginn, wéi eng Länner als sécher gëllen.