Fir de President vun der UEL, Michel Reckinger, wier et och am Interessi vun de Salariéen, datt e Buttek och zum Beispill Nuets kéint ophunn. Doduerch géifen ënnert anerem nei Aarbechtsplaze geschafe ginn.
De Salarié hätt haut och ganz aner Virstellunge wéi nach am leschte Joerhonnert.
"Ech menge mir hunn haut ganz vill franséisch Mataarbechter, déi hätte gären de Mëttwoch fräi. Mir hu moslemesch Mataarbechter, déi hätte léiwer gär de Freideg, déi kënne mam Sonndeg näischt ufänken. Do gëtt et ee Ramadan, an dat mierken ech bei mir, déi wëllen do gären aner Stonne schaffen. An do musse mer einfach de Leit an de Betriber d'Méiglechkeet ginn, fir dat tëschent Patron a Salarié ze diskutéieren, fir do eng Flexibilitéit fir alleguerten erauszefannen. Dat ass d'Realitéit haut vum Terrain."
De ganzen Interview mam Michel Reckinger