De Pentagon mellt 10.000 nordkoreanesch Zaldoten a Russland. De südkoreanesche Geheimdéngscht hat rezent gemellt, datt am Ganze ronn 12.000 nordkoreanesch Zaldoten a Russland solle geschéckt ginn. Dem NATO-Generalsekretär Mark Rütte no wieren der an der Regioun Kursk, no bei der ukrainescher Grenz, stationnéiert. D‘EU-Kommissiounspresidentin Ursula vun der Leyen schwätzt vun enger „Bedreeung fir de Weltfridden“.
De Mark Rütte huet sengersäits vun enger ëmmer méi grousser Verzweiwelung vum russesche President geschwat: Iwwer 600.000 russesch Zaldote wiere bis elo am Ugrëffskrich géint d‘Ukrain gestuerwen oder blesséiert ginn. Russland wier net kapabel, mam Iwwerfall an der Ukrain ouni auslännesch Hëllef virunzefueren, esou nach de Mark Rütte.